Search

Brighton 1 - Chelsea 3: Einkunnir leikmanna



Gangur leiksins

Chelsea vann frekar ósannfærandi sigur á Brighton í fyrstu umferð ensku Úrvalsdeildarinnar. Leikar enduðu 1-3. Jorginho kom okkar mönnum yfir úr vítaspyrnu á 23. mínútu eftir að Timo Werner var felldur í vítateig heimamanna. Brighton menn jöfnuðu metin á 54. Mínútu, var þar Leandro Trossard að verki. Aðeins 83 sekúndum síðar skoraði Reece James alger draumamark, þrumufleygur upp í skeitin og okkar menn aftur komnir í forystu. Það var svo Kurt Zouma sem lokaði þessum leik með marki á 66. mínútu eftir hornspyrnu Reece James.


Umræðupunktar

  • Lampard byrjaði með leikkerfið 4-2-3-1 þar sem Mount og Havertz voru á vængjunum en hvorugur þeirra er náttúrulegur vængmaður.

  • Ruben Loftus-Cheek fékk tækifærið í byrjunarliðinu sem fremsti maður á miðjunni og átti vægast sagt slakan dag, tapaði boltanum oft og ætti að gleyma þessum leik sem allra fyrst.

  • Öll miðjan okkar lék illa í dag, sérstaklega í fyrri hálfleik. Kante og Jorginho voru alls ekki að ná að halda vel í boltann og voru einnig ósamstíga í pressunni.

  • Leikur liðsins batnaði mikið við innkomu Ross Barkley.

  • Reece James var frábær sóknarlega en átti í smá basli með Solly March varnarlega.

  • Timo Werner var virkilega duglegur, leiddi línuna vel og fiskaði vítið.

  • Havertz mun eiga betri daga – er ekki sannfærður um að hægri vængurinn henti honum.

  • Lampard tók Christensen og Zouma fram yfir Rudiger – er „Agent Rudi“ orðinn fjórði kostur í miðvörðinn?

  • Tareq Lamptey var frábær í liði Brighton – Marcos Alonso verður fegin að þurfa ekki að mæta honum í hverri viku.

  • Kepa gerði „Kepa“ mistök. Ver ekki skot sem flestir Pepsi deildar markmenn hefðu varið.

Einkunnir (0-10)

Byrjunarlið

Kepa – 4

Reece James – 7

Christensen – 7

Marcos Alonso – 5

Zouma – 7,5 (Maður Leiksins)

Kanté – 6

Jorginho – 6

Loftus-Cheek – 4

Havertz – 5,5

Mount – 5,5

Werner – 7


Varamenn

Barkley – 7

Hudson-Odoi - 6

Azpilcueta – spilaði of stutt til að fá einkunn


Niðurstaða

Það er styrkleikmerki í því að vinna leiki sem þú spilar illa í. Vonum að Lampard finni réttu blönduna af byrjunarliði fyrir næsta leik, fyrir mér vantaði liðinu hraða á vængina og söknuðum við leikmanns eins og Pulisic sem hleypur fyrir aftan öftustu varnarlínuna og teygir á vörninni. Mount og Havertz gáfu alltof mikið til baka eða leituðu inn á miðsvæðið og því var ekkert sérstaklega góður taktur í okkur sóknarlega.

Engu að síður er frábært að byrja mótið með sigri, þrjú stig í hús og áfram gakk!


KTBFFH

- Jóhann Már Helgason

  • Grey Google+ Icon
  • Grey Twitter Icon
  • Grey LinkedIn Icon
  • Grey Facebook Icon

© 2023 by Talking Business.  Proudly created with Wix.com

  • Twitter Social Icon
  • Facebook Social Icon